向先烈致敬，對和平珍惜

香港供稿人/徐锦全

——香港葵青區紀念中國人民抗日戰爭暨世界反法西斯戰爭勝利

80周年分享會暨電影放映會及展覽

2025年9月6日，香港葵青民政處與葵青工商業聯會喺石籬社區會堂舉行「葵青區紀念中國人民抗日戰爭暨世界反法西斯戰爭勝利80周年——分享會暨電影放映會及展覽」，以向先烈致敬，亦喚起大家對和平嘅珍惜。

總活動由中聯辦新界工作部副部長朱宜華、葵青民政專員梁乘龍、立法會議員陳恒鑌及陳穎欣、教育局總學校發展主任（荃灣及葵青）陳珮盈、新界社團聯會葵青地區委員會主席暨葵青區議員潘志成、荃灣葵涌及青衣區中學校長會主席黃定康擔任主禮嘉賓。葵青工商業聯會會長徐錦全、葵青工商業聯會慈善基金主席蕭建輝及一眾葵青區議員、地區賢達、大中學師生亦一同參與紀念活動。

梁專員致辭時表示：身為中華兒女應以史為鑑，珍愛和平，為「中華民族復興偉業」貢獻力量。因此，葵青民政處與社會各界積極合辦以愛國教育為主題嘅活動，例如分享會、展覽、電影欣賞會同交流團等，藉以增強葵青區居民對國家嘅認識，並致力培養青年成為愛國愛港嘅新青年。

喺分享會上，香港教育大學高級講師葉德平博士同香港抗戰歷史研究會吳軍捷會長深入講解抗戰歷史，讓大家對呢段艱難歲月有更深刻理解。而當原東江縱隊抗日老戰士梁平親身分享佢喺香港淪陷期間參與游擊隊嘅英勇事蹟時，全場屏息細聽。學生代表其後嘅獻花環節更係令人動容！

除咗分享會外，場內更有歷史系大學生為參加者講解「抗日戰爭與日佔香港」展覽嘅內容，並放映兩部抗戰主題電影《同學們》及《里斯本丸沉沒》，令參加者更立體咁感受歷史，體會家國情懷。

歷史係照亮未來嘅燈塔。透過今次嘅紀念活動，大家都能更全面、更立體咁認識抗戰歷史，不忘先輩嘅奉獻精神，珍惜來之不易嘅幸福生活，並以不同方式繼續為國家、為社會、為未來而努力。願我哋一代接一代，薪火相傳，守護和平共建更美好嘅明天。