恋到阿妹心就甘（乡村情歌）

作词：张玉书

演唱:张玉书

河边竹几浸浸青

看到阿妹河边行

拿只石仔扔过去

唔见有人来回声

一条竹篙挂门坪

看到阿妹晒衣衫

好久唔曾同下嬲

想痛心肝唔敢声

屋后一座双螺岭

阿妹砍柴自家担

心想过去帮下手

又怕旁人打眼横

脚踩露水上山岭

隔远听到妹歌声

打侧耳公细细听

旱禾遇水心就生

牵条牛牯落深坑

听到鹧鸪声连声

今日相约果场嬲

又欢喜来又心惊

来到西村单竹坑

唔见人影唔听声

发条信息冇回话

石灰艳路打白行

阿妹人才冇得嫌

好比仙女走下凡

十人看到九人想

几多靓仔头眈眈

阿妹住在对门岭

唱歌好比画眉声

涯唱山歌去探路

恋到阿妹心就甘